Die Towerinne en Coronamouna All for one

Hier is die elfde hoofstuk van ‘n nuwe bloguitdaging : Die storie oor die Towerinne en Coronanmouna. Soos gewoonlik by ‘n vervolgverhaal, moet almal wat wil deelneem ‘n inskrywingsvorm voltooi – kry die vorm hier: https://forms.gle/spN3EwV1kt5wGW9F9

Bloggers sal skryf in die volgorde waarin hulle inskryf – kyk na HIERDIE vorm (spreadsheet) wat outomaties op datum gehou word om te sien wanneer dit jou beurt is om te

NB!Hierdie uitnodiging is oop vir alle bloggers op alle platforms – ons soek altyd “nuwe bloed” om deel te neem aan ons uitdagings. As jy in Afrikaans skryf, sluit gerus aan by die Towerinne en neem deel aan hulle avonture. As jy nog nooit deelgeneem het aan een van ons uitdagings nie, besoek die volgende skakels Lê-Jou-Eier: Reëls en Lê-Jou-Eier: Hoe neem ek deel? Laasgenoemde blogpos bevat ook al die onderwerpe en skakels na vorige uitdagings.

Onthou ook die addisionele reëls vir vervolgverhale – (1) wag jou skryfbeurt af, (2) wanneer ‘n nuwe blog geplaas word en jy is volgende aan die beurt – gee net eers ‘n dag of wat kans sodat almal die blog kan lees en kommentaar lewer voordat jy jou bydrae plaas en (3) plaas jou bydrae binne die volgende drie tot vyf dae sodat ons nie die vloei van die verhaal belemmer nie.

Ons InLinkz skakel vir hierdie uitdaging is:

https://fresh.inlinkz.com/p/c0342166738644c9875c54b4f5669017

“Welgedaan Towerinne, Plan A is suksesvol afgehandel” Erna se blydskap oor die plan so goed gewerk het, werk aansteeklik in op ons waar almal met hulle eie susmiddeltjie sit. “Broodina is hier weg en nou dink almal ons Towerinne is net ‘n wanordelike klomp vrouens saam, maar NIEMAND MORS MET ‘n TOWERIN NIE! Broodina het hook, line en sinker geval. Hoe daai girl ‘n joernalis geword het, weet net Klem de Kaak. Met haar uit die prentjie kan ons nou fokus om Una te gaan bevry. Die plan om die twee ‘rogue’ spinnejakke Arach en Nida uit die pad te kry het, het dalk nie heeltemal uitgewerk nie, maar ten minste weet ons Arach is beslis dood. Arme Camilla is nog steeds, nes Toorts en Kameel, onder een of ander invloed van iets en in skok.”

Vir ‘n paar minute is daar ‘n doodse stilte. Almal beleef weer deel een van Plan A. Perdebytjie het voorgestel dat ons al die spinnekoppe vang en steriliseer. Die probleem is dat Arach en Nida so groot soos huise geword het. Coronamouna het gehoor van die Franjeliko en sy en Arach en Nida het dit gaan soek want hulle wou weet waaroor gaan die bohaai. En omdat dit soos engeltjie pipi proe het hulle elke keer terug gegaan om meer te proe. Coronamouna kon hulle nie meer beheer nie.

Positief besluit toe om op Kosie, die robot se rug te klim en dan met behulp van Scrapy se drone, na die twee belhamels te gaan soek. Sy het ‘n moewiese kênfroet bottel by haar gehad, vol SANITIZER! Frannie het saam op Kosie se rug gespring want sy is mos ‘n ou biker en iemand moes Positief vashou terwyl die aanslag vanuit die lug geloods word. Die groot ‘spinnekopjagter’ was toe al die tyd twee Towerinne. Christa het die robot en die drone met die kontroles, nes iemand wat gereeld op Xbox speletjies speel, reguit na Arach toe gestuur En dis al wat Broodina gesien het toe sy daar weggejaag het. As sy ‘n regtige, egtige joernalis was, sou sy nie so vinnig pad gevat het nie.

“Wat is Deel twee van Plan A?” Bondels is duidelik angstig om Una uit die spinnekoppe se kloue te kry. Die diere wat spioeneer kom vertel dat dit moeilik met Una begin gaan. Niemand antwoord haar nie. Almal dink kliphard aan ‘n plan. Una moet loskom, vannag nog!

“Watse natuurlike vyande het spinnekoppe?” Vuurvliegie praat eintlik met haarself terwyl sy in haar glas whiskey staar. “Akkedisse, verkleurmannetjies…” Perdebytjie wil nog verder praat toe gee Christa ‘n onaardse gil. Amper donner ons almal na benede want die nerfies is maar dun! “Verkleurmannetjies!!!… waar’s my foon! Chris Chameleon, julle ouens! As Chris ‘n paar honderd verkleurmannetjies bymekaar kan kry, vreet hulle hierdie spul lag lag op!” Sy bel sonder om eers te hoor wat ons dink en wonder bo wonder, antwoord Chris dadelik. Dis net hande soos Christa beduie en sy praat so vinnig dat ek heeltemal tred verloor maar aan die breë glimlag op haar gesig kan ek sien die nuus gaan goed wees.

“Scrapy, Chris vra dat ons dadelik die vuurpyl stuur. Hy kan binne een uur ‘n hele paar honderd chameleons bymekaar kry.” Christa se entoesiasme laat ons almal sommer dadelik naderskuif na die tafel. Nou gaan die beplanning in alle erns begin. Perdeby is ekstaties! “Wie gaan my help om sanitizer in klein balletjies te rol? Dan gee ons vir elke verkleurmannetjie een om op sy tong te sit. Sy tong skiet uit, gryp die spinnekop uit die lug uit en dwing hom om die sanitizer te eet. Sodoende steriliseer ons die hele boksemdaais!” Scrapy en Christa stem in en die drie is dadelik vort om te gaan bolle rol.Hulle doen dit somme so deur die navigasie van die vuurpyl deur.

Vuurvliegie moes groen grassies in haar whiskey gegooi het want mens kan sommer hoor hoe werk die ratte in haar brein. “Virgo, jy is in beheer van die hospitaal. Jy weet alles van social distansting, umm..distan, ag liewe hemel, ek kry nie die woord reg nie! Distansting, nee. Dis verkeerd. Distancing! Yes! En niemand kan jou leer van maskers en hazzmat suits nie. Jy sal asseblief ‘n natuurlike middel moet kry om ons drie slapende katjies weer wakker te kry. En dan, as ons Una inbring, moet jy reg staan. Jou Ouboet slaat jou plat as sy vrou iets oor kom.”

“Vuurvliegie, jy en Bondels en Seegogga sal Una moet gaan red.” Hester is baie bekommerd oor Una. “Bondels,jy gaan haar moed inpraat. Vliegie, jy gaan skyn soos nog nooit en Seegogga….jy gaan met jou knypers elke spinnedraad lossny.” Sy het nog nie eers klaar gepraat nie, toe trek hulle al hulle reddingsbaadjies aan en daar trek hulle!

Sonel trippel op en af. “Ek gaan solank die equipment regkry om hulle almal te skrop van enige spinnekopdrade of swart en taai gommerigheid. Ek het so lanklaas kans gehad om iemand mooi te maak, ek spring sommer deur die dak!” Sy sluk die glas wyn met een teug weg en maak dit ie glas gou weer vol.”‘n Mens beplan net beter as jy kalm is”, sê sy so ewe en woerts! Weg is sy. Mens hoor net goed rondskuif. Intussen slaap Toorts, Camilla en Kameel soos drie babakatjies. Inmekaar ingewurm. Hulle maak net soms sulke klein geluidjies. Ons weet dus hulle is nog met ons. Tannie Frannie sit by hulle en lees vir hulle uit haar boek uit. As sy ophou, raak veral Toorts, bietjie angstiger.Dis op hierdie oomblik die beste medisyne….slaap.

Ek, Positief en Hester het oorgebly. “Ons moet daai Nida gaan soek.” Positief is beslis reg om weer op Kosie te klim. ‘n Vrou wat met bokke boer, bang niks. “Wel,Christa en Scrapy is besig met die vuurpyl en Kosie, so kom ons drie vat die drone en dan gaan soek ons vir Nida. Ek dink in elk geval hy of sy is die lafhartige een van die twee. Ek meen, met so naam?” Ek klink baie dapper, maar my broek bewe maar bietjie. Onthou, die Doom het toe mos niks aan een van die spinnekoppe gedoen nie. En ek sit met kaste vol. Wonder of Takealot dit sal terugneem?

“Nou waarvoor wag ons?” Hester gryp haar reddingsbaadjie en die drone en en ek Positief is agterna.”Dit help nie ons red net vir Una maar die eintlike skuldiges loop rond nie.Vannag gaan alle orde op Rebusfontein herstel word. Dis ons veilige plek.” Hester voel duidelik nog nie baie lekkere na die geisoleerde sinus operasie nie.

Positief manoever daai drone soos ‘n wafferse pilot. “A, nes ek gedink het. Nida sit heerlik veilig saam met Coronamouna in die huis. Kyk net hier….hulle suip sowaar Frangeliko.Wie gee hulle die reg om die Towerinne se gunsteling drank te misbruik.???” Julle, dis asof ‘n heilige woede ons drie beetpak. Dis nou klaar! Coronamouna en haar spinnekoppe se plakkery hier op Rebusfontein het so pas tot ‘n einde gekom.

Hester swoesj met die spoed van ‘n wilde perd verby ons, reguit na die deur toe. Ek en Posief kyk na mekaar, maar die volgende oomblik hamer sy aan die deur. CORONAMOUNA!! MAAK OOP HIERDIE DEUR!

Hester gaan verder vertel wat toe gebeur het. Kon die ander Una bevry? Het sy daarin geslaag om Corornamouna te verjaag?